مہرخبررساں ایجنسی کی رپورٹ کے مطابق کل رات وزارت دفاع کے شہداء کےسمینار کی اختتامی تقریب کے موقع پر اسلامی جمہوریہ ایران بغیر پائلٹ کے اڑنے والے حماسہ نامی طیارے کی رونمائی کی ہے جو فضا میں انتہائي بلندی پرکئی گھنٹوں تک پرواز کرسکتاہے۔
ایران کے وزیر دفاع نے اس موقع پر کہا کہ ایران کے پاس کئی قسم کے ڈرون طیارے موجود ہیں لیکن اس ڈرون طیارے کی نوعیت مختلف ہے یہ طیارہ انتہائی بلند پر کئی گھنٹوں تک پرواز کرنے کی صلاحیت رکھتا ہے اور راڈار پر بھی نظر نہیں آتا انھوں نے کہا کہ یہ طیارہ میزائل حملہ کی بھر پور صلاحیت رکھتا ہے۔