مہر خبررساں ایجنسی نے پاکستانی ذرائع کے حوالے سے نقل کیا ہے کہ پاکستان کے شہر کراچی میں دہشت گردوں کی فائرنگ کے مختلف واقعات میں سینئر ڈاکٹرحسن عالم اور پولیس انسپکٹر سمیت 13افراد جاں بحق ہوگئے ہیں۔پولیس کے مطابق ڈیفنس فیز 6 میں گاڑی پرفائرنگ سے باپ بیٹاجاں بحق ہوگئے، نیو کراچی کے علاقے پاور ہاؤس کے قریب گاڑی پر فائرنگ سے سندھ گورنمنٹ اسپتال نیو کراچی کے ڈی ایم ایس ڈاکٹر حسن عالم جاں بحق ہوگئے، نامعلوم موٹر سائیکل سوار حملہ آوروں نے گھات لگا کر ان کی گاڑی پر حملہ کیا، جبکہ دوسری طرف ناگن چورنگی پر فائرنگ سے پولیس انسپکٹر جاں بحق ہو گیا۔ بلدیہ ٹاؤن میں مہاجرکیمپ کے قریب فائرنگ سے ایک شخص ہلاک ہوگیا، حملہ آور موٹر سائکل پرسوار تھے، لیاری کے علاقے موسٰی لین میں فائرنگ سے ایک شخص ہلاک ہوگیا، مقتول کی لاش سول اسپتال منتقل کردی گئی، پولیس کے مطابق صفورا چورنگی کے قریب نامعلوم افراد کی فائرنگ سے ایک شخص ہلاک گیا ہے ذرائع کراچی میں بد امنی اور دہشت گردی کے پیچھے طالبان دہشت گردوں کا ہاتھ ہے۔
اجراء کی تاریخ: 23 جنوری 2013 - 12:55
مہر نیوز- 23 جنوری 2013ء: پاکستان کے شہر کراچی میں دہشت گردوں کی فائرنگ کے مختلف واقعات میں سینئر ڈاکٹرحسن عالم اور پولیس انسپکٹر سمیت 13افراد جاں بحق ہوگئے ہیں۔