تہران میں عالمی اسلامی وحدت کانفرنس کا آغاز

مہرخبررساں ایجنسی کے نامہ نگارکی رپورٹ کے مطابق پیغمبر اسلام حضرت محمد مصطفی صلی اللہ علیہ و آلہ اور حضرت امام جعفر صادق علیہ السلام کی ولادت باسعادت کی مناسبت سے تہران میں اسلامی جمہوریہ ایران کے صدر کے خطاب سے پچیسویں عالمی اسلامی وحدت کانفرنس کا آغاز ہوگيا ہے اس کانفرنس میں 50 اسلامی ممالک کے نمائندے شریک ہیں یہ کانفرنس تین دن تک جاری رہےگی۔ اس کانفرنس میں تقریب مذاہب کونسل کی بیس سالہ کارکردگی ، علاقہ میں جاری اسلامی بیداری اور اسلامی بیداری کی پشتپناہی کے بارے میں غور و خوض کیا جائےگا۔ عالمی اسلامی وحدت کانفرنس ہر سال 15 سے لیکر 17 ربیع الاول کو منعقد کی جاتی ہے۔ عالمی اسلامی وحدت کانفرنس میں کویت، امریکہ،سعودی عرب، آذربائیجان،سینیگال،انگلینڈ ، ترکی، عراق، انڈونیشیا، اردن ، گامبیا، قطر، سویڈن، الجزائر، سوڈان، افغانستان، مصر، لبنان، ہندوستان، ڈنمارک، چین، فرانس،، روس، یمن اور دیگر ممالک کے نمائندے شریک ہیں۔