مہر خبررساں ایجنسی نے پاکستانی رائع کے حوالے سے نقل کیا ہے کہ پاکستان کے شہر کراچی کے علاقے میٹھا در میں گذشتہ روز زمیں بوس ہونے والی عمارت میں ہلاک ہونے والوں کی تعداد 10تک پہنچ ہوگئی ہے۔جبکہ گرنے والی عمارت کے برابر والی عمارت کی حالت بھی مخدوش ہوچکی ہے،جس کے باعث رہائش پذیر افراد دوسری عمارتوں میں منتقل ہوگئے ہیں، قریب ہی واقع ایک اور عمارت بھی شکستہ ہوکر ایک طرف جھک گئی ہے، اور اس میں دڑاڑیں پڑ گئی ہیں۔ منہدم ہونے والی عمارت کا ملبہ ہٹانے کیلئے امدادی کارروائیاں جاری ہیں۔ریسکیو ورکرز کو تنگ گلیاں ہونے کے باعث امدادی کاموں کی انجام دہی میں شدید مشکلات کا سامنا کرنا پڑا۔ گذشتہ شب میٹھادر کے علاقے میں زور دار دھماکے کے ساتھ پانچ منزلہ رہائشی عمارت منہدم ہوگئی جس کے نتیجے میں 10 افراد ہلاک ہوگئے ہیں۔