مہر خبررساں ایجنسی نے فرانسیسی خبررساں ایجنسی کے حوالے سے نقل کیا ہے کہ سویڈن میں ایک میچ کے دوران تماشائیوں نے اسرائیل اور اس کے کھلاڑیوں کے خلاف غزہ پراسرائیلی جارحیت پر زبردست احتجاج کیا ہے۔سویڈن میں اسرائیل اورمیزبان ٹیموں کے ایک میچ کے دوران تماشائیوں کاغزہ پراسرائیلی جارحیت کے خلاف احتجاج،ہنگامے میں تبدیل ہوگیا۔سویڈن کے شہرمیلمو میں اسرائیل اور سویڈن کی ٹیموں میں ڈیوس کپ کے ایک میچ کے دوران ایک تنظیم نے شہرمیں احتجاجی مارچ کیا۔شرکا نے بینراورپلے کارڈ اٹھا رکھے تھے جن پر غزہ میں اسرائیلی حملے اوربچوں سمیت سیکڑوں فلسطینیوں کی ہلاکتوں کے خلاف نعرے درج تھے۔شرکاپرامن مارچ کرتے ہوئے اسٹیڈیم پہنچے توانھوں نے اسرائیل کے خلاف نعرے لگائے اورمقامی پولیس کی گاڑیوں اورگھوڑوں پر پینٹ اور کریکرپھینکے۔پولیس نے متعدد مظاہرین کو گرفتار کرلیا ہے۔