مہر خبررساں ایجنسی نے پاکستانی ذرائع کے حوالے سے نقل کیا ہے کہ پاکستان کے نومنتخب صدر آصف علی زرداری ایوان صدر منتقل ہوگئے ہیں ۔پاکستان کے صدر آصف زرداری کی ایوان صدر آمد کے موقع پر بکروں کا صدقہ دیا گیا۔اس موقع پر ان کی بیٹیاں بختاور بھٹو زرداری اور آصفہ بھٹو زرداری بھی ان کے ہمراہ تھیں۔نومنتخب صدر کو ایوان صدر میں صدر کا مکمل پروٹوکول اور سیکیورٹی دی گئی۔واضح رہے کہ آصف زرداری کی منتقلی سے قبل تزئین و آرائش اور سیکیورٹی انتظامات کو حتمی شکل دی گئی۔ واضح رہے کہ آصف علی زرداری بھاری اکثریت سے پاکستان کے صدر منتخب ہوئے ہیں اور انھیں پاکستان میں جاری طالبانائزیشن اور پاکستانی معیشت اورقبائلی علاقوں میں امریکی ہوائي دراندازی جیسے چیلنجوں کا سامنا ہے۔