مہرخبررساں ایجنسی نے فرانسیسی خبررساں ایجنسی کے حوالے سے نقل کیا ہے کہ افغانستان میں فضائی حملے اور جھڑپوں میں تیرہ طالبان اور تین افغان پولیس اہلکار ہلاک ہوگئےہیںافغان پولیس کے مطابق طالبان نے قندھار اور اسپن بولدک کو ملانے والے شاہراہ پرپولیس چوکی پر حملہ کر کے تین پولیس اہلکاروں کو ہلاک کردیا ۔ادھر نیٹوکے اتحادی فوجیوں نے صوبہ زابل میں طالبان کے ٹھکانوں پر بم باری کی ۔ فضائی حملے میں سات طالبان ہلاک ہوگئے ۔دوسری جانب قندھار کے ضلع زہاری میں نیٹو اور افغان پولیس نے کارروائی میں چھ طالبان ہلاک کرنے کا دعویٰ کیا ہے