مالی میں اقوام متحدہ کے مرکز پر راکٹ حملہ،3 ہلاک،20 سے زائد زخمی

مہر خبررساں ایجنسی نے ذرائع کے حوالے سے نقل کیا ہے کہ شورش زدہ افریقی ملک مالی میں اقوام متحدہ کے ایک مرکز پر راکٹ داغے جانے سے تین افراد ہلاک ہو گئے ہیں۔ ان میں دو امن دستوں کے اہلکار جبکہ تیسرا سویلین ہے۔ 20 سے زائد افراد کے زخمی ہونے کا بتایا گیا ہے۔ بتایا گیا ہے کہ یہ راکٹ حملہ اقوام متحدہ کے کیدال میں واقع ایک مرکز پر کیا گیا۔ ہلاک ہونے والے فوجی گنی سے تعلق رکھتے تھے۔ اقوام متحدہ اور مالی کی حکومت نے اِس راکٹ حملے کی شدید مذمت کی ہے۔