کراچی میں دودھماکوں میں بچی سمیت 6 افراد ہلاک

مہر خبررساں ایجنسی نے پاکستانی ذرائع کے حوالے سے نقل کیا ہے کہ پاکستان کے شہرکراچی کے علاقے حیدری مارکیٹ کے قریب دوبم دھماکوں میں بچی سمیت 6 افراد ہلاک جبکہ15 زخمی ہوگئے ہیں۔ اسپتال ذرائع نے 6افراد کے ہلاک ہونے کی تصدیق کردی ہے، زخمیوں میں خواتین اور بچوں کی بڑی تعداد شامل ہے، جائے وقوعہ پر امدای کارروائی شروع کردی گئیں ہیں اورجاں بحق اور زخمی ہونے والوں کو اسپتال منتقل کیا جارہا ہے۔قانون نافذ کرنے والے ادارے علاقے کو گھیر ے میں لے کرکلیئر کروانے کی کوشش کررہے ہیں۔ایک عینی شاہد کے مطابق  دھماکہ ڈولمین پلازہ کے عقب میں واقع داودی بوہری کمیونٹی کے علاقے میں ہوئے، پہلا دھماکہ ایک کچرے کے ڈھیرمیں ہوا جس کے بعد دوسرا دھماکہ ایک کار کے قریب ہوا،دونوں دھماکے بہت زوردار تھے، جس سے متعدد افراد زخمی ہوئے، دھماکے میں دو گاڑیاں بھی تباہ ہوگئیں ہیں جبکہ کئی کو نقصان پہنچا اورقریبی گھروں کے شیشے ٹوٹے گئے ہیں۔