مہرخبررساں ایجنسی نے ہندوستانی ذرائع کے حوالے سے نقل کیا ہے کہ ہندوستان کےدارالحکومت نئي دہلی میں ایک چھوٹا طیارہ گر کر تباہ ہوگيا ہے جس کے نتیجے میں 10 افراد ہلاک ہو گئے ہیں۔ دارالحکومت نئی دہلی کے قریب قصبہ فرید آباد میں ایک چھوٹا طیارہ گرکر تباہ ہو گیا۔ حادثہ کے نتیجے میں طیارے میں سوار 7 مسافروں سمیت 10 افراد ہلاک ہو گئے۔ جنمیں اکثریت ڈاکٹروں کی تھی۔ پولیس کے مطابق طیارہ رہائشی علاقے پر گرنے سے زمین پر موجود تین افراد ہلاک ہوئے اور کئی گھروں میں آگ لگ گئی۔ نجی طیارہ پٹنہ سے نئی دہلی آرہا تھا۔ حادثے کی وجہ ابھی معلوم نہیں ہو سکی ہے لیکن بدھ کی رات دہلی اور گرد ونواح میں موسم خراب تھا اور تیز ہوائیں چل رہی تھیں۔
خبر رساں ادارے پی ٹی آئی کے مطابق حادثے کے وقت طیارہ تقریباً آٹھ ہزار فٹ کی اونچائی پر پرواز کر رہا تھا کہ اچانک رڈار سے غائب ہوگیا۔