ارجنٹینا میں ٹریفک حادثے میں تین بچوں سمیت چودہ افراد ہلاک

مہر خبررساں ایجنسی نے ذرائع کے حوالے سے نقل کیا ہے کہ ارجنٹینا میں ٹریفک حادثے میں تین بچوں سمیت چودہ افراد ہلاک اور پانچ شدید زخمی ہوگئےہیں۔ارجنٹینا کے صوبے سانتا فے کے گاؤں ولا اوکامپو کے قریب یہ حادثہ ہوا۔ انیس افراد سے بھری مسافر وین ٹرک سے ٹکراگئی۔ حادثہ رات کے وقت ہوا۔ ٹرک چینی سے بھرا ہوا تھا۔ حادثہ اتنا شدید تھا کہ امدادی ٹیم پہنچنے سے پہلے کئی افراد موت کے منہ میں جاچکے تھے۔