مصر میں بچھوؤں کے کاٹنے سے 3 افراد ہلاک اور 500 زخمی

مہر خبررساں ایجنسی نے مصری الیوم کے حوالے سے نقل کیا ہے کہ مصر میں شدید طوفانی بارشوں کے بعد بچھوؤں کے کاٹنے سے اب تک 3 افراد ہلاک جبکہ 500 سے زائد زخمی ہوچکے ہیں۔ گزشتہ ہفتے کی شدید بارشوں کے بعد سیلابی ریلوں نے بچھوؤں کو ان کے بلوں سے نکال کر دوردراز علاقوں تک پہنچادیا ہے۔ حکومت نے طبی مراکز میں بچھو اینٹی وینم کی بڑی خوراکیں پہنچائی ہیں جبکہ اسپتالوں میں ایمرجنسی نافذ کرکے ڈاکٹروں کی چھٹیاں منسوخ کردی گئی ہیں۔ مصری انتظامیہ نے شہریوں سے درخواست کی ہے کہ وہ بیابان، سبزے اور درختوں کے قریب نہ جائیں اور گھروں تک محدود رہیں۔