امریکی پولیس نے ایک اور امریکی شہری کا گلا دبا کر ہلاک کردیا

امریکی ریاست کیلی فورنیا میں پولیس افسروں نے ایک اورشہری کا گلا دبا کر ہلاک کردیا ہے۔

مہر خبررساں ایجنسی نے ایسوسی ایٹڈ پریس کے حوالے سے نقل کیا ہے کہ امریکی ریاست کیلی فورنیا میں پولیس افسروں نے ایک اورشہری کا گلا دبا کر ہلاک کردیا ہے۔ اطلاعات کے مطابق امریکی ریاست کیلی فورنیا میں پولیس افسران کے ہاتھوں دم گھٹنے سے ایک اور26 سالہ ماریوگونزیلزشہری ہلاک ہوگیا۔ پولیس کی جانب سے نوجوان کو گرفتاری کے وقت 5 منٹ تک زمین پرزبردستی دبائے رکھا گیا جس کے باعث دم گھٹنے سے اس کی موت واقع ہوگئی۔

رپورٹس کے مطابق 26 سالہ شہری کی موت سے متعلق تمام تفصیلات دوکیمروں کی ویڈیو فوٹیج کی مدد سے ملیں۔ نوجوان کی موت کا واقعہ 19 اپریل کوایک پارک میں پیش آیا تھا۔ واقعہ سے متعلق پولیس کو ایک کال موصول ہوئی کہ پارک میں ایک مشتبہ شخص نشے کی حالت میں موجود ہے۔ پولیس فوری طورپرپارک پہنچی تو نوجوان کو اپنی شناخت بتانے میں دشواری ہوئی۔ جس پر پولیس نے اس کے ہاتھ کمرکے پیچھے باندھنے کی کوشش کی لیکن جب اس نے مزاحمت کی تو پولیس نے اس کو زمین پر گرادیا اورپولیس نے اپنی کہنی سے اس کی گردن کودبانا شروع کردیا۔

ویڈیومیں دیکھا جاسکتا ہے کہ نوجوان خود کوچھڑوانے کی کوشش کررہا تھا، اس کے بعد ایک افسرنے اپنے گھٹنے سے اس کی گردن پرجب کہ دوسرے نے کہنی کندھے پررکھی۔ وڈیوکے مطابق گونزیلزسانس لینے کی کوشش کررہا ہے اورساتھ ساتھ کہہ رہا ہے کہ اس نے کچھ بھی نہیں کیا ہے۔ جس کے بعد اس کی حالت مزید غیرہوگئی جس کے بعد پولیس کی جانب سے گونزیلزکوہلا جلا کرمصنوعی طریقے سے سانس دینے کی کوشش بھی کی گئی۔

News Code 1906311

لیبلز

آپ کا تبصرہ

You are replying to: .
  • 1 + 1 =