بنگلہ دیش میں روہنگیا کیمپ میں آتشزدگی سے کئی خیمے جل گئے

بنگلہ دیش میں روہنگیا کیمپ میں خوفناک آتشزدگی کی جہ سے کئی خیمے جل کر خاکستر ہوگئے۔

مہر خبررساں ایجنسی نے الجزیرہ کے حوالے سے نقل کیا ہے کہ بنگلہ دیش میں روہنگیا کیمپ میں خوفناک آتشزدگی کی جہ سے کئی خیمے جل کر خاکستر ہوگئے۔ اطلاعات کے مطابق بنگلہ دیش میں روہنگیا پناہ گزین کیمپوں میں خوفناک آگ بھڑک اُٹھی جس کے نتیجے میں درجنوں رہائشی خیمے جل گئے اور مہاجرین کو محفوظ مقام پر منتقل کرنا پڑا۔ اقوام متحدہ کے ترجمان برائے پناہ گزین کیمپ نے کہا کہ حکومتی مشینری مکمل تعاون کررہی ہے اور مشترکہ امدادی کام جاری ہے۔ خوش قسمتی سے کوئی جانی نقصان نہیں ہوا۔ کیمپوں میں میڈیکل اور خوراک کی کمی کا سامنا کرنے والے روہنگیا پناہ گزینوں کو نئی مشکل کا سامنا ہے۔ پہلے ہی اس علاقے کے کیمپوں میں رہائش کی جگہ نہایت کم ہے اور ایک ایک کیمپ میں چار چار خاندانوں کو رہنا پڑتا ہے۔ واضح رہے کہ میانمار میں فوج اور بدھ مت کے انتہا پسند پیروکاروں نے روہنگیا مسلمانوں کی نسل کشی کی تھی جس کے باعث 7 لاکھ سے زائد افراد بنگلادیش نقل میں پناہ لینے پر مجبور ہوئے تھے۔

News Code 1905773

لیبلز

آپ کا تبصرہ

You are replying to: .
  • 6 + 6 =