شمالی وزیرستان میں گاڑی پر فائرنگ سے 4 خواتین جاں بحق

پاکستان میں شمالی وزیرستان کے علاقے میر علی میں وہابی دہشت گردوں نے گاڑی پر فائرنگ کرکے 4 خواتین کو ہلاک کردیا ہے۔

مہر خبررساں ایجنسی نے جنگ کے حوالے سے نقل کیا ہے کہ پاکستان میں شمالی وزیرستان کے علاقے میر علی میں وہابی دہشت گردوں نے  گاڑی پر فائرنگ کرکے 4 خواتین کو ہلاک کردیا ہے۔ شمالی وزیرستان میں دہشت گردوں کے حملہ میں غیر سرکاری تنظیم کی 4 خواتین سماجی کارکن جاں بحق ہوگئیں جبکہ ڈرائیور زخمی ہوگیا۔ دہشت گردی کے واقعہ میں ایک خاتون خوش قسمتی سے بچ گئی۔ مقامی پولیس کے مطابق فائرنگ ایپی گاؤں کے قریب این جی او کی گاڑی پر کی گئی جبکہ جاں بحق ہونے والی چاروں خواتین سماجی کارکن تھیں۔ 

پولیس کے مطابق فائرنگ کے نتیجے میں ڈرائیور زخمی ہوگیا جبکہ لاشیں اور زخمی ڈرائیور کو تحصیل ہیڈکوارٹر اسپتال میرعلی منتقل کردیا گیا ہے۔

دوسری جانب ڈسٹرکٹ پولیس آفیسر شمالی وزیرستان شفیع اللہ گنڈا پور نے جیو نیوز کو بتایا کہ بنوں سے سماجی کارکن خواتین گاڑی میں میرعلی کے علاقہ ایپی آرہی تھیں کہ دہشت گردوں نے حملہ کیا۔ 

پولیس کے مطابق جاں بحق ہونے والوں میں ناہید بی بی، ارشاد بی بی، عائشہ اور جویریہ نامی خواتین سماجی کارکن شامل ہیں جبکہ مریم بی بی خوش قسمتی سے بچ نکلی۔

News Code 1905380

لیبلز

آپ کا تبصرہ

You are replying to: .
  • 4 + 12 =