پاکستان میں سینیٹ انتخابات میں حصہ لینے کے لیے کاغذات نامزدگی جمع کرانے کا سلسلہ جاری

پاکستان میں سینیٹ انتخابات میں حصہ لینے کے لیے امیدواروں کی جانب سے کاغذات نامزدگی جمع کرانے کا سلسلہ جاری ہے۔

مہر خبررساں ایجنسی نے پاکستانی ذرائع کے حوالے سے نقل کیا ہے کہ پاکستان میں سینیٹ انتخابات میں حصہ لینے کے لیے امیدواروں کی جانب سے کاغذات نامزدگی جمع کرانے کا سلسلہ جاری ہے۔ اطلاعات کے مطابق الیکشن کمیشن کی جانب سے گزشتہ روز سینیٹ الیکشن کے شیڈول میں تبدیلی کی گئی تھی جس کے تحت امیدواروں کی جانب سے آج بھی کاغذات نامزدگی جمع کرائے جانے کا سلسلہ جاری ہے۔

اتوار کے روز پشاور میں پیپلز پارٹی کی امیدوار شازیہ طہماس جب کہ پی ٹی آئی کے دوست  نجی اللہ خٹک اور محمد محسود نے کاغذات نامزدگی جمع کرائے، اس کے علاوہ لاہور میں تحریک انصاف کے عون عباس اور ملک ظہیر عباس کھوکھر نے کاغذات نامزدگی جمع کرائے ہیں۔

سینیٹ کی 48 خالی نشستوں پر اب تک 80 کے قریب امیدواروں نے کاغذات نامزدگی جمع کرادیئے ہیں جن میں شبلی فراز، ثانیہ نشتر، عبدالحفیظ شیخ، فوزیہ ارشد، زرقا تیمور، سید یوسف رضا گیلانی، سلیم مانڈوی والا، شیری رحمان، فاروق نائیک، پرویز رشید، تاج حیدرمشاہد اللہ خان ، کریم خواجہ، عباس آفریدی اور فرحت اللہ بابر جیسے اہم رہنما شامل ہیں۔

واضح رہے کہ الیکشن کمیشن پاکستان نے سینیٹ انتخابات کے شیڈول میں تبدیلی کرتے ہوئے کاغذات نامزدگی جمع کرانے کے وقت میں دو دن کا اضافہ کیا تھا تاہم انتخابات 3 مارچ ہی کو ہوں گے۔

News Code 1905266

لیبلز

آپ کا تبصرہ

You are replying to: .
  • 1 + 5 =