نیب ریفرنس میں ملزم نواز شریف کی تمام جائیدادیں قرق کر لی گئیں

نیب ریفرنس میں میر شکیل کے شریک ملزم پاکستان کے سابق وزیر اعظم نواز شریف کی تمام جائیدادیں قرق کر لی گئی ہیں۔

مہر خبررساں ایجنسی نے ایکس پریس کے حوالے سے نقل کیا ہے کہ نیب ریفرنس میں میر شکیل کے شریک ملزم پاکستان کے سابق وزیر اعظم  نواز شریف کی تمام جائیدادیں قرق کر لی گئی ہیں۔ احتساب عدالت لاہور میں جنگ جیو گروپ کے مالک میر شکیل کیخلاف غیر قانونی پلاٹ الاٹمنٹ ریفرنس کی سماعت ہوئی۔ عدالت نے میر شکیل پر فرد جرم عائد کرنے کیلئے 28 جنوری کی تاریخ مقرر کردی۔

نیب تفتیشی افسر عابد حسین نے میر شکیل کے شریک ملزم سابق وزیر اعظم نواز شریف کی جائیداد قرقی کی رپورٹ عدالت میں پیش کرتے ہوئے بتایا کہ عدالتی حکم کی تعمیل میں نواز شریف کی پاکستان میں موجود تمام جائیدادیں قرق کر لی ہیں، اس سے متعلق محکموں کی رپورٹ بھی منسلک کر دی ہے۔

عدالت نے آئندہ سماعت پر شریک ملزم ہمایوں فیض رسول کو بھی طلب کر لیا۔ نیب ریفرنس میں میر شکیل، نواز شریف، سابق ڈی جی ایل ڈی اے ہمایوں فیض رسول اور بشیراحمد کو مجرم قرار دیا گیا ہے جبکہ طلبی کے باوجود پیش نہ ہونے پر ملزم سابق وزیر اعظم نواز شریف کو اشتہاری قرار دیا جا چکا ہے۔

News Code 1904876

لیبلز

آپ کا تبصرہ

You are replying to: .
  • 9 + 6 =