پاکستان نے نیوزی لینڈ کو4 وکٹوں سے شکست دے دی

نیوزی لینڈ کے شہر نیپئر میں کھیلے جانے والے تیسرے ٹی20 میچ میں پاکستان نے سنسنی خیز مقابلے کے بعد نیوزی لینڈ کو4 وکٹوں سے شکست دے دی۔

مہر خبررساں ایجنسی نے پاکستانی ذرائع کے حوالے سے نقل کیا ہے کہ نیوزی لینڈ کے شہر نیپئر میں کھیلے جانے والے تیسرے ٹی20 میچ میں پاکستان نے سنسنی خیز مقابلے کے بعد نیوزی لینڈ کو4 وکٹوں سے شکست دے دی، نیوزی لینڈ نے  پاکستان کو جیت کیلئے174 رنزکا ہدف ملا تھا۔ فہیم اشرف نے 3، حارث رؤف اورشاہین آفریدی نے 2،2 کھلاڑیوں کو آؤٹ کیا۔ پاکستان نے 19.4 اوورز میں6 وکٹوں کے نقصان پر ہدف پورا کرلیا۔

تین میچوں کی سیریز 1-2 سے نیوزی لینڈ کے نام رہی، پاکستان کی جانب سے محمد رضوان نے 89 رنز کی شاندار اننگز کھیلی، محمد رضوان کی اننگز میں 3 چھکے اور 10 چوکے شامل تھے۔

محمد حفیظ 41 رنز بناکر نمایاں رہے، خوشدل شاہ 13 اور حیدر علی نے 11 رنز بنائے، فہیم اشرف 2 اور کپتان شاداب خان صفر پر آؤٹ ہوئے۔

تیسرے میچ میں شاداب خان نے ٹاس جیت کر ماضی کے برعکس پہلے بالنگ کرنے کا فیصلہ کیا تھا۔ کیویز کی جانب سے ڈیون کونوے 63 رنزکےساتھ ٹاپ اسکورر رہے۔ ٹم سیفرٹ 35، گلین فلپس31، مارٹن گپٹل 19 رنزپرآؤٹ ہوئے۔

نیوزی لینڈ کی ٹیم پہلے بیٹنگ کرتے ہوئے 174 رنز بنا سکی، اسکاٹ کگلین 14 رنز بنا کر شاہین شاہ آفریدی کا شکار بنے جبکہ نیوزی لینڈ کرکٹ ٹیم کی قیادت کرنے والے کین ولیمسن 1 رن بنا کر فہیم اشرف کا شکار بنے۔

پاکستان نے آج کے میچ کیلئے ٹیم میں عماد وسیم، وہاب ریاض اور عبداللہ شفیق کی جگہ حسین طلعت، افتخار احمد اور محمد حسنین کو شامل کیا ہے جبکہ نیوزی لینڈ نے ٹیم میں کوئی تبدیلی نہیں کی۔

ٹیم پاکستان:

کپتان شاداب خان، محمد حفيظ، حيدرعلی، حسین طلعت، افتخار احمد، وکٹ کیپر محمد رضوان، خوشدل شاہ، فہيم اشرف، شاہين آفريدی، محمد حسنین اور حارث رؤف۔

ٹیم نیوزی لینڈ :

کپتان کین ولیمسن، مارٹن گپٹل، ٹم سیفرٹ، ڈیون کانوے، گلین فلپس، جیمز نیشم، کائل جیمیسن، اسکاٹ کگلین، اش سودھی، ٹم ساؤتھی اور ٹرینٹ بولٹ۔

News Code 1904489

لیبلز

آپ کا تبصرہ

You are replying to: .
  • 9 + 2 =