انڈونیشیا میں چین کی  تیار کردہ کورونا ویکسین پہنچ گئی

انڈونیشیا میں چین کی تیارکردہ کورونا وائرس ویکسین کی پہلی کھیپ پہنچ گئی۔

مہر خبررساں ایجنسی نےغیرملکی ذرائع کے حوالے سے نقل کیا ہے کہ انڈونیشیا میں چین کی تیارکردہ کورونا وائرس ویکسین کی پہلی کھیپ پہنچ گئی۔

اطلاعات کے مطابق انڈونیشیا کے صدر جوکو ودود نے بتایا ہے کہ سینوویک بائیو ٹیک کی تیار کردہ ویکسین کی 12 لاکھ خوراکیں آج انڈونیشیا پہنچ گئی ہیں۔ انڈونیشیا میں رواں سال اگست سے اس ویکسین کی آزمائش جاری تھی۔

صدر نے بتایا کہ آئندہ برس جنوری میں انڈونیشیا چین سے 18 لاکھ مزید ویکسین کی خوراکیں درآمد کرے گا۔ علاوہ ازیں رواں ماہ انڈونیشیا میں ڈیڑھ کروڑ اور آئندہ ماہ 3 کروڑ ویکسین کی خوراکیں تیار کرنے کے لیے خام مال بھی انڈونیشیا پہنچ جائے گا۔

انڈونیشیا میں ادویہ کی منظوری دینے والے ادارے کی جانب سے چین سے آنے والی ویکسین کا جائزہ لیا جانا باقی ہے جب کہ حکومت نے 27 کروڑ آبادی کو اس کی فراہمی کے لیے تیاریاں شروع کردی ہیں۔

انڈونیشیا میں کورونا سے متاثر ہونے والے افراد کی تعداد 5 لاکھ 75 ہزار سے زائد ہے جب کہ 17 ہزار سے زیادہ افراد ہلاک ہوچکے ہیں۔

News Code 1904262

لیبلز

آپ کا تبصرہ

You are replying to: .
  • 8 + 0 =