کیمرون میں اسکول پر مسلح افراد کے حملے میں 8 بچے ہلاک

وسطی افریقی ملک کیمرون کے ایک اسکول پر مسلح اور چاقو بردار حملہ آوروں نے بچوں کو نشانہ بنایا جس کے نتیجے میں 8 طلبا ہلاک اور متعدد زخمی ہوگئے ہیں۔

مہر خبررساں ایجنسی نے رائٹرز کے حوالے سے نقل کیا ہے کہ وسطی افریقی ملک کیمرون کے ایک اسکول پر مسلح اور چاقو بردار حملہ آوروں نے بچوں کو نشانہ بنایا جس کے نتیجے میں 8 طلبا ہلاک اور متعدد زخمی ہوگئے ہیں۔

کیمرون کے شہر کومبا کے اسکول مدر فرانسسکا انٹرنیشنل بائی لینگیول اکیڈمی پر سادہ لباس میں ملبوس موٹرسائیکل سواروں نے دھاوا بول دیا۔ حملہ آوروں نے اسکول پر اندھا دھند فائرنگ کی اور جان بچانے کے لیے بھاگنے والوں پر چاقو سے وار کیے۔

ایک سال بعد رواں ماہ ہی بحال ہونے والے اسکول پر سفاکانہ حملے میں 8 بچے ہلاک اور 13 زخمی ہوگئے۔ ہلاک اور زخمی ہونے والوں کو قریبی اسپتال منتقل کردیا گیا ہے جہاں 4 بچوں کی حالت نازک بتائی جارہی ہے۔ کچھ بچے اسکول کی دوسری منزل سے جان بچانے کے لیے کودنے کی وجہ سے زخمی ہوئے۔

تاحال کسی شدت پسند گروپ نے حملے کی ذمہ داری قبول نہیں کی ہے۔ کیمرون میں انگریزی اور فرانسیسی زبانیں بولی جاتی ہیں اور زبان کی بنیاد پر علیحدگی پسند تحریکیں بھی چل رہی ہیں جن کے حکومتی فوسرز کے ساتھ جھڑپیں معمول کا حصہ ہیں۔

News Code 1903615

لیبلز

آپ کا تبصرہ

You are replying to: .
  • 5 + 6 =