پاکستانی اپوزیشن جماعتوں کے اتحاد پی ڈی ایم کا گوجرانوالہ میں پہلا جلسہ

پاکستان میں گوجرانوالہ کے جناح اسٹیڈیم میں اپوزیشن جماعتوں کے اتحاد پی ڈی ایم کا آج پہلا جلسہ ہوگا۔

مہر خبررساں ایجنسی نے ایکسپریس کے حوالے سے نقل کیا ہے کہ پاکستان میں گوجرانوالہ کے جناح اسٹیڈیم میں اپوزیشن جماعتوں کے اتحاد پی ڈی ایم کا آج پہلا جلسہ ہوگا۔

متحدہ اپوزیشن پی ڈی ایم کا آج گوجرانوالہ کے جناح اسٹیڈیم میں پہلا جلسہ ہوگا جس کی کی تیاریاں زور و شور سے جاری ہیں، جلسے سے متعلق منتظمین اور انتظامیہ میں معاہدہ طے پا گیا ہے، ماسک کے بغیر کوئی بھی شخص جلسہ گاہ میں داخل نہیں ہوگا اور شرکا کے درمیان 3 سے 6 فٹ کا فاصلہ ضروری ہے جب کہ 7 ہزار اہلکار سیکیورٹی فرائض سرانجام دیں گے۔

دوسری جانب جلسے میں شرکت کے لیے رہنما (ن) لیگ مریم نواز اور جمعیت علمائے اسلام (ف) کے سربراہ مولانا فضل الرحمان لاہور سے پہنچیں گے جب کہ چیئرمین پیپلزپارٹی بلاول بھٹو لالہ موسیٰ میں موجود ہیں۔

News Code 1903453

لیبلز

آپ کا تبصرہ

You are replying to: .
  • 1 + 10 =