پاکستان کے سابق صدر آصف علی زرداری کے وارنٹ گرفتاری جاری

پاکستان میں نیب نے 8 ارب روپے کی مشکوک بینک ٹرانزیکشنز کیس میں سابق صدر آصف علی زرداری کے وارنٹ گرفتاری جاری کر دئیے۔

مہر خبررساں ایجنسی نے ایکسپریس نیوز کے مطابق نقل کیا ہے کہ نیب نے جعلی اکاؤنٹس کیس سے منسلک 8 ارب روپے کے مشکوک ٹرانزیکشنز کیس میں سابق صدر آصف علی زرداری کے وارنٹس گرفتاری جاری کردیئے ہیں۔ چیئرمین نیب جسٹس ریٹائرڈ جاوید اقبال نے ان کے وارنٹ گرفتاری پر دستخط کر دیئے ہیں۔ دوسری جانب اسلام آباد ہائی کورٹ کے جسٹس عامر فاروق کی سربراہی میں 2 رکنی بنچ آج آصف زرداری کی عبوری درخواست ضمانت پر سماعت کرے گا، عدالت نے آصف زرداری کو آج تک عبوری ضمانت دے رکھی ہے، عدالت نے آصف زرداری کے وکیل اور نیب سے دلائل طلب کر رکھے ہیں، نیب نے اسلام آباد ہائی کورٹ میں تحریری جواب داخل کرادیا ہے ،جس میں کہا گیا ہے کہ جعلی اکاؤنٹس کیس میں آصف زرداری نیب کو تفتیش کے لیے مطلوب ہیں۔

News Code 1903438

لیبلز

آپ کا تبصرہ

You are replying to: .
  • captcha