افغانستان کے صوبہ سرپل میں دھماکے سے 13 افراد ہلاک

افغانستان کے صوبے سرپل میں سڑک کنارے بم پھٹنے سے 10 فوجی اہلکاروں سمیت 13 افراد ہلاک ہوگئے ہیں۔

مہر خبررساں ایجنسی نے ذرائع کے حوالے سے نقل کیا ہے کہ افغانستان کے صوبے سرپل میں سڑک کنارے بم پھٹنے سے 10 فوجی اہلکاروں سمیت 13 افراد ہلاک ہوگئے ہیں۔

صوبے سرپل میں سڑک کنارے بم پھٹنے کے نتیجے میں 13 افراد ہلاک اور 3 زخمی ہوگئے، واقعے کے بعد افغان سیکیورٹی فورسز نے علاقے کو گھیرے میں لیکر دھماکے کی جگہ سے شواہد اکٹھے کرنا شروع کردیے جب کہ زخمیوں کو قریبی اسپتال منتقل کردیا گیا ہے۔

افغان میڈیا کا کہنا ہے کہ دھماکے میں ہلاک افراد میں 10 فوجی اہلکار بھی شامل ہیں جب کہ ابھی تک طالبان سمیت کسی بھی گروپ کی جانب سے ذمہ داری قبول نہیں کی گئی ہے۔ دوسری جانب وزارت دفاع کے مطابق بغلان میں بارودی سرنگ برآمد ہوئی جس کو دھماکے سے اڑادیا گیا ہے۔

واضح رہے کہ گزشتہ روز بھی افغان صوبے ہلمند اور ہرات میں مسافر بسوں کے قریب سڑک کنارے نصب بم پھٹنے کے نتیجے میں 7 افراد ہلاک اور 19 زخمی ہوگئے تھے، ہلاک اور زخمی ہونے والوں میں خواتین اور بچے بھی شامل ہیں۔ سرکاری حکام نے دعویٰ نے کیا ہے کہ دونوں دھماکے طالبان کی جانب سے بچھائی گئی بارودی سرنگوں میں ہوئے تاہم طالبان نے اس الزام کی تردید یا تصدیق نہیں کی۔

News Code 1903374

لیبلز

آپ کا تبصرہ

You are replying to: .
  • 9 + 1 =