بھارت کے سابق صدر پرناب مکھر جی کا انتقال ہوگیا

بھارت کے سابق صدر پرناب مکھر جی طویل علالت کے بعد 84 برس کی عمر میں انتقال کرگئے۔

مہر خبررساں ایجنسی نے بھارتی ذرائع کے حوالے سے نقل کیا ہے کہ بھارت کے سابق صدر پرناب مکھر جی طویل علالت کے بعد 84 برس کی عمر میں انتقال کرگئے۔

اطلاعات کے مطابق رواں ماہ کے آغاز میں انہیں دماغ کی ایک سرجری کے لیے نئی دہلی کے آرمی اسپتال میں داخل کیا گیا تھا۔ اس سے قبل ان میں کورونا وائرس کی تشخیص بھی ہوئی تھی۔ دماغی سرجری کے بعد پھپھڑوں میں پھیلنے والے انفیکشن کے باعث وہ انتقال کرگئے۔

پرناب مکھر جی بھارت کے تیرہویں صدر تھے جو 2012 سے 2017 تک اس عہدے پر فائز رہے۔ ان کا تعلق انڈین نیشنل کانگریس سے تھا۔ 1935 میں مغربی بنگال کے ایک گاؤں مراتی میں پیدا ہوئے۔ ان کے والد بھی کانگریس پارٹی کے متحرک کارکن تھے۔ مکھر جی نے 1969 میں اپنے سیاسی کرئیر کا آغاز کیا۔ اندرا گاندھی نے مکھر جی کو پارٹی کی نمایاں ذمے داریوں پر فائز کیا۔ وہ بھارت میں امور خارجہ، خزانہ اور دفاع کے وزارتوں جیسے اہم عہدوں پر فائز رہے۔

News Code 1902643

لیبلز

آپ کا تبصرہ

You are replying to: .
  • 5 + 12 =