بھارتی ریاست اترپردیش میں 8 پولیس اہلکاروں کے قاتل کو مندر سے گرفتار کرلیا گیا

بھارتی ریاست اترپردیش میں 8 پولیس اہلکاروں کو انتہائی بےدردی سے قتل کرنے والے ملزم " وکاس دوبے" کو ریاست مدھیہ پردیش کے ایک مندر سے گرفتار کرلیا گیا ہے۔

مہر خبررساں ایجنسی نے بھارتی ذرائع کے حوالے سے نقل کیا ہے کہ بھارتی ریاست اترپردیش میں 8 پولیس اہلکاروں کو انتہائی بےدردی سے قتل کرنے والے ملزم " وکاس دوبے" کو ریاست مدھیہ پردیش کے ایک مندر سے گرفتار کرلیا گیا ہے۔ اطلاعات کے مطابق پولیس کا کہنا ہے کہ وکاس دوبے کو مدھیہ پردیش کے شہر اجین میں ہندوؤ ں کے مشہور مندر مہاکال سے گرفتار کیا گیا ہے۔ ملزم نے 3 جولائی کو فائرنگ کر کے ایک ڈپٹی سپرنٹنڈنٹ پولیس سمیت آٹھ پولیس اہلکاروں کو قتل کیا تھا۔

پولیس کا کہنا ہے کہ وکا س دوبے مندر میں پوجا کرنے آیا تھا، ایک سکیورٹی گارڈ کو اس پر شک ہوا تواس نے اس کا شناختی کارڈ طلب کیا لیکن یہ شناختی کارڈ وکاس دوبے کے بجائے کسی دوسرے کے نام پر تھا۔

اس دوران وہاں موجود سکیورٹی عملہ اسے اپنے ساتھ لے گیا اور پولیس کو اطلاع دی گئی۔ پولیس جب اسے تھانے لے کر گئی اور پوچھ گچھ کی تو اس نے قبول کرلیا کہ وہ کانپور کا گینگسٹر وکاس دوبے ہے۔

وکاس دوبے کے خلاف 60 سے زائد مقدمات ہیں لیکن چونکہ اس کے تعلقات حکمراں بی جے پی اور اپوزیشن سماج وادی پارٹی دونوں کے رہنماؤں سے رہے ہیں اس لیے وہ آج تک آزادی سے گھومتا رہا ہے۔

News Code 1901478

لیبلز

آپ کا تبصرہ

You are replying to: .
  • 6 + 12 =