پاکستان میں کورونا وائرس کے باعث 30 لاکھ افراد بے روزگار ہوسکتے ہیں

پاکستان کی وزارت خزانہ نے خدشہ ظاہر کیا ہے کہ کورونا وبا کے باعث ملک میں 30 لاکھ افراد بے روزگار ہو سکتے ہیں۔

 مہر خبررساں ایجنسی نے ایکس پریس کے حوالے سے نقل کیا ہے کہ پاکستان کی وزارت خزانہ نے خدشہ ظاہر کیا ہے کہ کورونا وبا کے باعث ملک میں 30 لاکھ افراد بے روزگار ہو سکتے ہیں۔ پاکستانی سینیٹ میں وزارت خزانہ کی جانب سے جمع کرائے گئے تحریری جواب میں کہا گیا ہے کہ کورونا سے قبل جی ڈی پی گروتھ کا تخمینہ 3.24 فیصد تھا جب کہ مالی سال 20-2019 میں 0.4 فیصد کی منفی شرح نمو رہی، رواں مالی سال اپریل سے جون تک ایف بی آرکے ریونیو میں 700 سے 900 ارب روپے تک کمی ہو گی،اس طرح ایف بی آر کا ٹیکس ریونیو 3905 ارب روپے تک گر سکتا ہے، مالی خسارہ 7.5 فیصد سے بڑھ کر 9.4 فیصد ہو جائے گا۔

وزارت خزانہ کا کہنا ہے کہ کورونا بحران کے باعث غربت کی شرح 24.3 فیصد سے بڑھ کر 33.5 فیصد ہو جائے گی، پاکستان کی برآمدات کم ہو کر 21.22 ارب ڈالرز رہیں گی جب کہ بیرون ملک کام کرنے والے مزدوروں کی ترسیلات میں 2 ارب ڈالرز کی کمی ہو گی۔ کورونا بحران کے باعث 30 لاکھ افراد بے روزگار ہو سکتے ہیں ۔

News Code 1900703

لیبلز

آپ کا تبصرہ

You are replying to: .
  • 4 + 8 =