برطانیہ میں پہلی مرتبہ باحجاب خاتون جج کے عہدے پر فائز

برطانیہ کی تاریخ میں پہلی مرتبہ باحجاب خاتون رافعہ ارشد جج کے عہدے پر فائز ہونے والی پہلی مسلمان خاتون بن گئی ہیں۔

مہر خبررساں ایجنسی نے ذرائع ابلاغ کے حوالے سے نقل کیا ہے کہ برطانیہ کی تاریخ میں پہلی مرتبہ باحجاب خاتون رافعہ ارشد جج کے عہدے پر فائز ہونے والی پہلی مسلمان خاتون بن گئی ہیں۔ جج کے عہدے کے ساتھ ساتھ جلد ہی مڈلینڈ میں ڈپٹی اٹارنی جنرل کا عہدہ سنبھالنے والی 40 سالہ رافعہ ارشد کا تعلق لیڈز سے ہے۔

رافعہ کا کہنا ہے کہ گیارہ سال کی عمر میں جج بننے کا خواب دیکھا تھا، لاء کالج کے انٹرویو کے وقت اہل خانہ نے حجاب اتارنے کو بھی کہا تھا لیکن انہوں نے انکارکر دیا تھا۔

انہوں نے مسلمان نوجوانوں کی حوصلہ افزائی کرتے ہوئے کہا کہ وہ نوجوان مسلمانوں کو یہ پیغام دینا چاہتی ہیں کہ وہ جس چیز کے بارے میں سوچ سکتے ہیں اسے حاصل بھی کر سکتے ہیں۔

ان کا کہنا تھا میں اس بات کو یقینی بنانا چاہتی ہوں کہ معاشرے میں مختلف نظریات اور سوچ رکھنے والے افراد کے مسائل کو بھی سنا جائے کیونکہ یہ معاشرے کی مسلمان خواتین کے لیے بہت اہم ہے۔

حجاب کے حوالے سے رافعہ کا کہنا تھا کہ زندگی میں متعدد مقام پر انہیں حجاب جاری رکھنے کے لئے باقائدہ جنگ لڑنا پڑی، انہوں نے کہا کہ حجاب کرنا یہاں اتنا آسان نہیں ہے اور میں اس کے لیے کئی سالوں سے جدوجہد کر رہی ہوں۔

انہوں نے کہا کہ میرے عزیز و اقارب نے کہا کہ حجاب پہننے سے کامیابی کے امکان کم ہوجائیں گے میں نے اس وقت بھی اسے ترک نہیں کیا۔

انہوں نے کہا کہ مجھے یہ عہدہ اپنی قابلیت اور صلاحیت کی وجہ سے ملا ہے حجاب پہننے کی وجہ سے نہیں۔

News Code 1900506

لیبلز

آپ کا تبصرہ

You are replying to: .
  • 3 + 0 =