بھارت میں کورونا وائرس کے خلاف مودی سرکار کی پالیسیاں ناکام

نیو یارک ٹائمز نے فاش کیا ہے کہ بھارت میں کورونا وائرس کے خلاف مودی سرکار کی پالیسیاں بری طرح ناکام ہوگئی ہیں سخت لاک ڈاوٴن کے باوجود بھارت میں کورونا کیسز اور اموات اضافہ ہوا ہے۔

مہر خبررساں ایجنسی کی رپورٹ کے مطابق نیو یارک ٹائمز نے فاش کیا ہے کہ بھارت میں کورونا وائرس کے خلاف مودی سرکار کی پالیسیاں بری طرح ناکام ہوگئی ہیں سخت لاک ڈاوٴن کے باوجود بھارت میں کورونا کیسز اور اموات اضافہ ہوا ہے۔ نیویارک ٹائمز کی جانب سے جاری رپورٹ میں کہا گیا ہے کہ بھارتی عوام حکومت پر اعتماد کھونے لگے ہیں، سخت لاک ڈاوٴن کے باوجود بھارت میں کورونا کیسز اور اموات زیادہ ہیں جب کہ پاکستان میں بھارت کے مقابلے میں کیسز کم ہیں، جنوبی ایشیاء میں لاک ڈاؤن ہی نہیں بلکہ دیگر عوامل بھی اہم تھے، جنہیں مودی حکومت نے نظر انداز کیا۔

رپورٹ میں کہا گیا ہے کہ سوال یہ ہے کہ کیا مودی حکومت نے سخت اقدامات کیے، شرح اموات سے لگتا ہے ایسا نہیں ہوا، بھارت میں 60 فیصد کیسز صرف ممبئی، دہلی، احمد آباد، چنائے اور پونے سے ہیں، ممبئی میں سب سے زیادہ 20 فیصد کورونا کیسز سامنے آئے جب کہ مودی کے آبائی علاقے گجرات میں بھی ایسی ہی صورتحال ہے۔

نیویارک ٹائمز نے اپنی رپورٹ میں کہا کہ ہندوستانی مالیاتی دارالحکومت ممبئی اور چنائے اپنے بیشتر صحت وسائل گنوا بیٹھے ہیں، مودی کی پالیسیوں نے لوگوں کو بھوک اور افلاس سے مار دیا ہے، بیشتر غریب لوگ اس پالیسی کا شکار ہوئے جس سے ثابت ہو گیا کہ مودی کا ہندوستان صرف امیروں کے لئے ہے، آج کاسٹ سسٹم واضح ہو گیا کس طرح اقلیتوں کو وبا میں بے یارو مددگار چھوڑ دیا گیا ہے، ہر غریب اور بے بس ورکر جو کہ تپتے سورج اور بھوک سے نڈھال تھا اس کے لبوں پر صرف ایک بات تھی،خدا پر بھروسہ اور یہ دراصل مودی حکومت پر بد اعتمادی ہے ۔

News Code 1900504

لیبلز

آپ کا تبصرہ

You are replying to: .
  • 1 + 1 =