نیپال کی بھارت کو دھمکی / دونوں ممالک کے درمیان نیا تنازع شروع

بھارت کی جانب سے نیپال سرحد پر سڑک کی تعمیر سے دونوں ملکوں کے درمیان نیا تنازع کھڑا ہوگیا ہے۔

مہر خبررساں ایجنسی نے غیر ملکی ذرائع کے حوالے سے نقل کیا ہے کہ بھارت کی جانب سے نیپال سرحد پر سڑک کی تعمیر سے دونوں ملکوں کے درمیان نیا تنازع کھڑا ہوگیا ہے۔ نیپال نے بھارتی حکومت کو خبردار کیا ہے کہ وہ اس کی حدود کے اندر کسی بھی قسم کا کام کرنے سے باز رہے۔ بھارتی وزیر دفاع راج ناتھ سنگھ نے گزشتہ روز متنازعہ سرحد لائن آف ایکچوئل کنٹرول کے قریب ایک سڑک کا افتتاح کیا تھا جو ریاست اترکھنڈ کے علاقے دھر چولا کو چین کی سرحد کے قریبی علاقے لیپو لیکھ سے ملاتی ہے ۔

لیپو لیکھ کا جنوبی حصہ کلپنی بھارت اور نیپال کے درمیان ایک متنازعہ علاقہ ہے جبکہ چین اور تبت کے ساتھ اسٹریٹجک اہمیت کا تھری وے جنکشن ہے ۔

نیپال کی وزارت خارجہ نے اپنے بیان میں کہا ہے کہ بھارت کا یکطرفہ اقدام دونوں ملکوں کے وزرائے اعظم کے درمیان طے پانے والے سمجھوتے کیخلاف ہے جس میں سرحدی تنازعات مذاکرات سے حل کرنے پر اتفاق کیا گیا تھا ۔

انہوں نے کہاکہ نئی دہلی نیپال کی حدود میں کسی بھی قسم کی سرگرمیوں سے باز رہے ، کھٹمنڈو میں نیپال کی حکمراں جماعت کی جانب سے جاری ایک علیحدہ بیان میں اس سڑک کی تعمیر کو نیپال کی خودمختاری خطرے میں ڈالنے کے مترادف قرار دیا گیا ہے ۔

ادھر بھارتی وزارت خارجہ نے یہ جوابی موقف اختیار کیا ہے کہ سڑک بھارتی سرزمین پر تعمیر کی گئی ہے جس کا مقصد یاتریوں کو سہولت فراہم کرنا ہے ۔ بھارت نیپال کے ساتھ تمام سرحدی تنازعات بات چیت سے حل کرنے پر کاربند ہے۔

News Code 1900081

لیبلز

آپ کا تبصرہ

You are replying to: .
  • 4 + 0 =