آیت اللہ یعقوبی کے نمائندے کا ایران اور عراق میں پاکستانی طلاب کی مدد جاری رکھنے کا عزم

پاکستان میں آیت اللہ محمد الیعقوبی کے نمائندہ حجۃ الاسلام ہادی حسین نے ایران اور عراق میں پاکستانی طلاب کی مدد جاری رکھنے کے عزم کا اظہار کیا ہے۔

مہر خبررساں ایجنسی کے نامہ نگار کے ساتھ گفتگو میں پاکستان میں آیت اللہ محمد الیعقوبی کے نمائندہ  حجۃ الاسلام  ہادی حسین نے ایران اور عراق میں پاکستانی طلاب کی مدد جاری رکھنے کے عزم کا اظہار کیا ہے۔

انھوں نے کہا کہ آیت اللہ محمد الیعقوبی دینی طلاب کی حمایت اور مدد کے لئے ہمیشہ کوشاں رہتے ہیں۔ ان کی طرف سے قم اور مشہد مقدس میں موجود پاکستانی طلباء کے درمیان امداد اور غذائی پیکیچز تقسیم کئے گئے ہیں ۔ حجۃ الاسلام  ہادی حسین نے اس بات پر افسوس کا اظہار کیا کہ پاکستانی حکومت نے اس مشکل وقت میں قم اور مشہد میں مقیم  پاکستانی طلباء اور ان کے اہل خانہ کے معاملات کو نظرانداز کیا، انہوں نے کہاکہ  آیت اللہ یعقوبی کے پاکستان میں قائم دفتر نے قم اور مشہد کے دفاتر کے ساتھ مل کر، پاکستانی طلباء اورانکے اہلخانہ کی امداد کا سلسلہ جاری رکھا ہوا ہے۔ انکے مطابق مشہد شہر میں رہائش پذیر پاکستانی طلباء کو ماہانہ بنیادوں پرامداد فراہم کی جارہی ہے۔

حجۃ الاسلام ہادی حسین نے کہا کہ دو روز قبل قم میں مقیم پاکستانی طلاب میں غذائی مواد کے 200  پیکیجز تقسیم کیے گئے اور طلاب کی مدد کا سلسلہ جاری رہےگا۔

News Code 1900075

لیبلز

آپ کا تبصرہ

You are replying to: .
  • 2 + 14 =