امریکہ کے سابق صدر اوبامہ کی موجودہ صدر ٹرمپ پر شدید تنقید

امریکہ کے سابق صدر باراک اوبامہ نے کورونا وائرس سے نمٹنے کی امریکی صدر ڈونلڈ ٹرمپ کی حکمت عملی کو شدید تنقید کا نشانہ بناتے ہوئے اسے " انتشار سے بھرپور اور تباہ کن صورتحال " قرار دیا ہے۔

مہر خبررساں ایجنسی نے امریکی ذرائع کے حوالے سے نقل کیا ہے کہ امریکہ کے سابق  صدر باراک اوبامہ نے کورونا وائرس سے نمٹنے کی امریکی صدر ڈونلڈ ٹرمپ کی حکمت عملی کو شدید تنقید کا نشانہ بناتے ہوئے اسے " انتشار سے بھرپور اور تباہ کن صورتحال "  قرار دیا ہے۔ سابق امریکی صدر کی انتظامیہ کے تین اہم عہدیداروں نے اوباما کی اس گفتگو کی تصدیق کی جس میں انہوں نے کورونا وائرس سے نمٹنے کے لیے ٹرمپ انتظامیہ کی پالیسی کو شدید تنقید کا نشانہ بنایا۔

انہوں نے کہا کہ کوورنا وائرس کی صورتحال سے امریکہ سے جس طرح سے نمٹا گیا ہے وہ ہمیں ایک مرتبہ پھر اس بات کی یاد دہانی کراتی ہے کہ عالمی بحران سے نمٹنے کے لیے ملک کو مضبوط قیادت کی ضرورت ہوتی ہے۔

اپنی ٹیلی فونک گفتگو کے دوران اوبامہ نے اپنے ساتھیوں اور ڈیموکریٹک اراکین پر زور دیتے ہوئے کہا کہ یہی وجہ ہے کہ وہ رواں سال نومبر میں ہونے والے انتخابات میں جو بایڈن کو صدر منتخب ہوتے ہوئے دیکھنے کے خواہشمند ہیں اور اراکین ان کی انتخابی مہم میں بڑھ چڑھ کر حصہ لیں۔

انہوں نے کہا کہ انتخابات آنے والے ہیں اور یہ بہت اہم ہیں کیونکہ ہم صرف ایک فرد یا سیاسی جماعت سے مقابلہ نہیں کر رہے ہوں گے بلکہ عرصے سے چل رہے ایک ایسے رجحان کا مقابلہ کریں گے جس میں خود غرضی کے ساتھ محض اپنی ذات، اپنے قبیلے کے بارے میں سوچا جاتا ہے اور تقسیم کر کے دوسروں کو دشمن تصور کیا جاتا ہے، یہ رجحان امریکیوں کی زندگیوں میں ایک اہم محرک کی شکل اختیار کر گیا ہے۔

ان کا کہنا تھا کہ جب حکومت میں اس طرح کی ذہنیت کے لوگ کام کر رہے ہوں جن کی سوچ یہ ہو کہ میرا اس سے کیا لینا دینا ہے یا باقی سب بھاڑ میں جائیں، تو پھر انتشار سے بھرپور اور تباہ کن صورتحال ہی جنم لیتی ہے۔

سابق صدراوبامہ  نے کہا کہ یہی وجہ ہے کہ میں اپنا زیادہ تر وقت اور کوششیں صدارتی امیدوار جو بایڈن کی مہم چلانے میں صرف کر رہا ہوں۔

واضح رہے کہ رواں سال شیڈول امریکی انتخابات میں ڈیموکریٹس نے جو بایڈن کو اپنا صدارتی امیدوار نامزد کیا ہے۔

News Code 1900047

لیبلز

آپ کا تبصرہ

You are replying to: .
  • 6 + 0 =