امریکی نائب صدر مائیک پنس کی پریس سیکریٹری کورونا وائرس کا شکار

امریکی نائب صدر مائیک پنس کی پریس سیکریٹری کیٹی ملر کا کورونا وائرس ٹیسٹ مثبت آگیا جس کی تصدیق امریکی صدر ڈونلڈ ٹرمپ نے بھی کردی ہے۔

مہر خبررساں ایجنسی نے ایسوسی ایٹڈ پریس کے حوالے سے نقل کیا ہے کہ امریکی نائب صدر مائیک پنس کی پریس سیکریٹری کیٹی ملر کا کورونا وائرس ٹیسٹ مثبت آگیا جس کی تصدیق امریکی صدر ڈونلڈ ٹرمپ نے بھی کردی ہے۔ وائٹ ہاؤس میں ری پبلکن پارٹی کے اراکین کانگریس سے ملاقات میں گفتگو کرتے ہوئے امریکی صدر ڈونلڈ ٹرمپ نے کہا کہ کیٹی ملر بہت ہی اچھی خاتون ہیں، ان کا کورونا وائرس ٹیسٹ مثبت آگیا ہے۔

امریکی صدر نے مزید کہا کہ متاثرہ خاتون کی ان سے ملاقات نہیں ہوئی لیکن نائب صدر مائیک پنس سے مریضہ کی حال ہی میں ملاقاتیں رہی ہیں۔

ذرائع  کے مطابق متاثرہ خاتون کیٹی ملر امریکی صدر کے سینئر مشیر اسٹیفن ملر کی اہلیہ ہیں۔

واضح  رہے کہ گزشتہ روز امریکی صدر ٹرمپ کے ساتھ کام کرنے والے شخص میں بھی کورونا کی تشخیص ہوئی تھی جو کہ وائٹ ہاؤس میں ملازم اور نیوی کا اہلکار ہے۔

News Code 1900023

لیبلز

آپ کا تبصرہ

You are replying to: .
  • 4 + 14 =