سعودی عرب میں 150 شہزادے کورونا وائرس میں مبتلا

امریکی اخبار نیویارک ٹائمز کے مطابق سعودی عرب میں 150 سعودی شہزادے کورونا وائرس میں مبتلا ہوگئے ہیں۔

مہر خبررساں ایجنسی کی رپورٹ کے مطابق ڈیلی صباح نے نیویارک ٹائمز کے حوالے سے نقل کیا ہے کہ سعودی عرب میں 150 سعودی شہزادے کورونا وائرس میں مبتلا ہوگئے ہیں۔ نیویارک ٹائمز کے مطابق سعودی عرب میں 500 تختوں پر مشتمل اسپتال آل سعود خاندان کے لئے مخصوص کردیا گیا ہے آل سعود خاندان کے 150 شہزادے کورونا وائرس میں مبتلا ہوگئے ہیں ۔ سعودی حکام نے کورونا وائرس کی روک تھام کے سلسلے میں ملک کے کئی صوبوں اور شہروں  میں کرفیو لگا رکھا ہے جن مکہ و مدینہ اور جدہ بھی شامل ہیں۔

نیویارک ٹائمز کے مطابق سعودی عرب کے بادشاہ ملک سلمان کے بھائی شہزادہ فیصل بن بندر بن عبدالعزیز آل سعود بھی کورونا وائرس میں مبتلا ہیں اور وہ آئی سی یو وارڈ میں داخل ہیں۔

واضح رہے کہ سعودی عرب میں اب تک 2900 افراد کورونا وائرس سے متاثر ہوئے ہیں اور 41 اس وائرس سے ہلاک ہوگئے ہیں۔

News Code 1899263

لیبلز

آپ کا تبصرہ

You are replying to: .
  • 2 + 0 =