مہر خبررساں ایجنسی نے رائٹرز کے حوالے سے نقل کیا ہے کہ فرانس میں کورونا وائرس سے بدھ کے روز مزید 509 افراد ہلاک ہوگئے جس کے بعد فرانس میں کورونا وائرس سے ہلاکتوں کی تعداد 4000 سے زائد ہوگئی ۔
حکومت نے لاک ڈاون مزید سخت کرتے ہوئے جرمانہ کی شرح کو دو سو فیصد بڑھا دیا، اسپتالوں میں ڈاکٹر پیرا میڈیکل اسٹاف دن رات ایک کرکے ایک لمحہ ضائع کئے بغیر مریضوں کی دیکھ بھال کررہے ہیں ۔
24،639 افراد کے کورونا ٹیسٹ مثبت آئے ہیں جو فرانس کے مختلف اسپتالوں میں داخل ہیں، فرانس میں اس وقت 6،017 افراد اسپتالوں کی انتہائی نگہداشت یونٹ میں زیر علاج ہیں۔گزشتہ روز ڈائریکٹر جنرل آف ہیلتھ جیروم سالومون نے اعلان کیا کہ گزشتہ 24 گھنٹوں کے دوران فرانسیسی اسپتالوں میں 509 مریض کورونا وائرس سے ہلاک ہوچکے ہیں، جس سے اس وبا کے آغاز سے اب تک 4032 افراد ہلاک ہوگئے ہیں۔ فرانس کی حکومت نے خصوصی ٹرینوں کا انتظام کرکے ہنگامی بنیادوں پر مریضوں کو دور دراز علاقوں اور جرمنی کے اسپتالوں میں منتقل کر دیا ہے۔
آپ کا تبصرہ