اقوام متحدہ نے کورونا وائرس کو بدترین بحران قرار دیدیا

اقوام متحدہ کے سکریٹری جنرل انٹونیو گوٹرس نے کورونا وائرس کو جنگ عظیم دوئم کے بعد بدترین بحران قرار دے دیا ہے۔

مہر خبررساں ایجنسی نے النشرہ کے حوالے سے نقل کیا ہے کہ اقوام متحدہ کے سکریٹری جنرل انٹونیو گوٹرس نے کورونا وائرس کو جنگ عظیم دوئم کے بعد بدترین بحران قرار دے دیا ہے۔ گوٹرس نے کہا کہ کورونا وائرس کا چين سے آغاز ہوا اور اب اس نے پوری دنیا کو اپنی لپیٹ میں لے لیا ہے۔ اقوام متحدہ کے سکریٹری جنرل نے کہا کہ کورونا وائرس سے دنیا کے ہر ملک کو خطرہ لاحق ہے ،ہر ملک میں عدم استحکام ، بدامنی، اقتصادی بحران اور تنازعات کھڑے ہونے کا خطرہ ہے۔

اقوام متحدہ کے سکریٹری جنرل نے کہا کہ کورونا وائرس کا مقابلہ کرنے کے لئے عالمی سطح پر تعاون کی سخت ضرورت ہے اور اس موقع پر اختلافات کو دور اور نظر انداز کرنے کی ضرورت ہے سیاسی بازیوں کو فراموش کرنا چاہیے اور باہمی اتحاد اور تعاون کے ساتھ کورونا کا مقابلہ کرنے کے لئے آگے بڑھنا چاہیے۔ گوٹرس نے کہا کہ کورونا کو شکست دینے کے لئے ہماری رفتار بہت کی سست ہے جبکہ ہمیں برق رفتاری سے اس کا مقابلہ کرنا چاہیے۔

News Code 1899049

لیبلز

آپ کا تبصرہ

You are replying to: .
  • 8 + 3 =