ایرانی وزیر صحت کا کورونا وائرس کو ملک بھر سے ختم  کرنے کا عزم

اسلامی جمہوریہ ایران کے وزير صحت ڈاکٹر سعید نمکی نے کہا ہے کہ آئندہ چند دنوں میں 3 لاکھ طاقتور طبی ٹیموں کے ہمراہ کورونا وائرس کا ملک سے خاتمہ کردیا جائےگا۔

مہر خبررساں ایجنسی کی رپورٹ کے مطابق اسلامی جمہوریہ ایران کے وزير صحت ڈاکٹر سعید نمکی نے کہا ہے کہ  آئندہ چند دنوں میں 3 لاکھ طاقتور طبی ٹیموں کے ہمراہ کورونا وائرس کا ملک بھر سے خاتمہ کردیا جائےگا۔

ایرانی وزیر صحت نے ملک میں کورونا وائرس کو کنٹرول کرنے کے سلسلے میں کئے گئے اقدامات کی طرف اشارہ کرتے ہوئے کہا کہ کورونا وائرس کا مقابلہ کرنے کے سلسلے میں ملک بھر میں بہت بڑا طبی آپریشن جاری ہے۔ بہت سے مریض صحتیاب ہوکر اسپتالوں سے رخصت ہوگئے ہیں۔  ہم نے فیصلہ کیا ہے کہ ہم کورونا وائرس کا پیچھا کرکے اسے ختم کریں گے اور اس کو اپنے تک آنے کی اجازت نہیں دیں گے اور اس سلسلے میں ملک بھر میں جراثیموں کو ختم کرنے کی بڑی مہم کا آغاز ہوگیا ہے اور آئندہ چند دنوں میں تین لاکھ طاقتورطبی ٹیموں کے ذریعہ ملک بھر سے کورونا وائرس کو ختم کرنے کا آپریشن شروع کیا جائےگا۔ وزیر صحت نے کہا کہ عوام کو اجتماعات میں شرکت کرنے سے پرہیز  اور طبی دستورات پر عمل کرنا چاہیے۔

News Code 1898271

لیبلز

آپ کا تبصرہ

You are replying to: .
  • 4 + 7 =