پاکستانی زائرین کے خلاف پاکستانی میڈیا کا پروپیگنڈہ دم توڑ گيا

پاکستانی میڈیا نے گذشتہ دو دنوں سے کورونا وائرس کو پاکستان سے زیارت کی غرض سے ایران آنے والے زائرین سے جوڑنے کی بہت زيادہ تلاش وکوشش کی ہے اور اس سلسلے میں دو زائرین میں کورونا وائرس موجود ہونے کی بے بنیاد خبـر کو بڑے زور و شور کے ساتھ نشر کیا لیکن ڈاکٹروں نے دونوں زائرین کو کورونا وائرس سے کلیئر قراردیدیا ہے۔

مہر خبررساں ایجنسی کی رپورٹ کے مطابق پاکستانی میڈیا نے گذشتہ دو دنوں سے کورونا وائرس کو پاکستان سے زیارت کی غرض سے ایران آنے والے زائرین سے جوڑنے  کی بہت زيادہ  تلاش وکوشش کی ۔ اور اس سلسلے میں اسلام آباد اور کراچي میں دو زائرین میں کورونا وائرس کے موجود ہونے کی غیر مصدقہ خبـر کو بڑے زور و شور کے ساتھ نشر کیا لیکن ڈاکٹروں نے دونوں زائرین کو کورونا وائرس سے کلیئر قراردیدیا ہے۔ پاکستان کے بعض ذرائع ابلاغ نےپاکستانی عوام میں یہ تاثر پیدا کرنے کی بھی کوشش کی کہ پاکستان میں کورونا وائرس ایران سے پہنچا ہے جبکہ زائرین سے قبل پاکستان میں سیکڑوں چینی باشندے موجود ہیں جن میں کئي چینی باشندے مشکوک حالت میں بھی پائے گئے ہیں ۔  پاکستانی وزیراعظم کے معاون خصوصی برائے صحت ڈاکٹر ظفر مرزا نے کہا ہے کہ گزشتہ روز سامنے آنے والے کورونا وائرس کے دونوں  افراد میں کورونا وائرس کے شواہد نہیں ملے ہیں  ڈاکٹر ظفر مرزا نے جمعرات کو اپنے ایک بیان میں کہا کہ متاثرہ مریضوں کے اہل خانہ اور دوستوں کے ٹیسٹ بھی منفی آئے ہیں۔

واضح رہے کہ بدھ کوپاکستانی ذرائع ابلاغ نے یہ غیر مصدقہ خبرپھیلائي تھی کہ کراچی اور اسلام آباد میں دو ایسے پاکستانی زائرین موجود ہیں جو ایران گئے تھے اور جن میں کورونا وائرس موجود ہے یہ زائرین تہران سے کراچی اور اسلام آباد پہنچے ہیں جس کے بعد متاثرہ افراد کو اسپتال منتقل کرکے ان کا مکمل معائنہ اور ٹیسٹ لیا گیا۔ پاکستانی وزیر اعظم کے معاون خصوصی برائے صحت  ڈاکٹر ظفر مرزا نے کہا ہے کہ  اسلام آباد اور کراچی کے اسپتالوں میں موجود دونوں زائرین کو کورونا وائرس سے کليئر قراردیا گيا، اس طرح پاکستان کے بعض ذرائع ابلاغ  کی ایران اور پاکستانی زائرین کے خلاف پروپیگنڈے کی ہوا خارج ہوگئی۔

News Code 1898194

لیبلز

آپ کا تبصرہ

You are replying to: .
  • 4 + 7 =