پاکستان میں فائرنگ سے 6 افراد ہلاک

پاکستان کے صوبہ سندھ کے کھنڈو کے نواحی گاؤں میں فائرنگ سے 6 افراد ہلاک اور 2 زخمی ہوگئے۔

مہر خبررساں ایجنسی نے ایکس پریس کے حوالے سے نقل کیا ہے کہ پاکستان کے صوبہ سندھ کے کھنڈو کے نواحی گاؤں میں فائرنگ سے 6 افراد ہلاک اور 2 زخمی ہوگئے۔ پولیس کے مطابق سندھ کے شہر مٹیاری میں رشتے کے تنازع پر بروھی برادری کے گروپ نے رند برادری کے 6 افراد کو فائرنگ کرکے قتل کردیا۔ رند برادری نے لاشیں سڑک پر رکھ کر نیشنل ہائی وے پر احتجاجی دھرنا دے دیا۔ مظاہرین کا کہنا ہے کہ جب تک قاتلوں کو گرفتار نہیں کیاجاتا اس وقت تک احتجاج ختم نہیں کریں گے۔

احتجاج کے باعث ٹریفک جام ہوگیا اور گاڑیوں کی لمبی قطاریں لگ گئیں جس کے باعث مسافروں کو پریشانی کا سامنا ہے۔ موقع پر پولیس کی بھاری نفری موجود ہے اور مظاہرین سے مذاکرات کرکے انہیں منتشر کرنے کی کوشش کی جارہی ہے۔

2 سال قبل رند برادری کے نوجوان مرتضیٰ نے بروھی برادری کی لڑکی سے محبت کی شادی کی تھی جس کے بعد سے دونوں برادریوں میں کشیدگی تھی۔

News Code 1897347

لیبلز

آپ کا تبصرہ

You are replying to: .
  • 4 + 7 =