سورج گرہن کو براہ راست دیکھنے کے نتیجے میں 15 افراد نابینا ہوگئے

بھارتی شہر جے پور سے تعلق رکھنے والے 15 افراد سورج گرہن کو براہ راست دیکھنے کے نتیجے میں بینائی سے محروم ہوگئے۔

مہر خبررساں ایجنسی نے بھارتی ذرائع کے حوالے سے نقل کیا ہے کہ بھارتی شہر جے پور سے تعلق رکھنے والے 15 افراد سورج گرہن کو براہ راست دیکھنے کے نتیجے میں بینائی سے محروم ہوگئے۔بھارتی ویب سائٹ " ٹائمز ناؤ " کے مطابق بھارت میں 10سے 20 سال کی عمر کے 15 افراد گزشتہ سال دسمبر کی 26 تاریخ کو لگنے والے سورج گرہن کو براہ راست دیکھنے پر اپنی بینائی سے محروم ہو گئے۔

بھارتی اسپتال کی انتظامیہ کے مطابق ان افراد کو نظر نہ آنے کی شکایت سے متعلق اسپتال کی او پی ڈی میں لایا گیا تھا، ان کی نگہداشت کے دوران ڈاکٹرز کی جانب سے یہ خدشہ ظاہر کیا گیا تھا کہ ان کی بینائی اب واپس نہیں آئے گی ۔

ڈاکٹر کے مطابق سورج گرہن کو خصوصی چشموں کے بجائے براہ راست دیکھنے سے " سولر ریٹ نیٹس "  یعنی آنکھوں کی نازک جھلی کے متاثر ہونے کا خطرہ ہوتا ہے۔

ڈاکٹرز کے مطابق اسپتا ل میں متاثرین کی آنکھوں کے طبی ٹیسٹ کے بعد معلوم ہوا کہ ان 15 افراد کی آنکھوں میں موجود " ریٹینا "  تہہ جل گئی ہے جس کے باعث یہ افراد اپنی بینائی کھو بیٹھے۔

اس بیماری کے علاج کے لیے نہایت نگہداشت کی ضرورت ہوتی ہے ، 3 سے 6 ہفتوں میں سورج گرہن سے متاثر " ریٹینا"  ٹھیک ہو جاتی ہے۔

News Code 1897240

لیبلز

آپ کا تبصرہ

You are replying to: .
  • 1 + 5 =