پاکستان میں گیس بھرنے اوردم گھٹنے سے 4 افراد ہلاک

پاکستان میں حیدر آباد کے علاقہ لطیف آباد میں گھر میں گیس بھرنے اور دم گھٹنے کے باعث 2 بچوں سمیت 4 افراد جاں بحق ہوگئے۔

مہر خبررساں ایجنسی نے پاکستانی ذرائع کے حوالے سے نقل کیا ہے کہ پاکستان میں حیدر آباد کے علاقہ لطیف آباد میں گھر میں گیس بھرنے اور دم گھٹنے کے باعث 2 بچوں سمیت 4 افراد جاں بحق ہوگئے۔ حیدرآباد کے علاقے لطیف آباد یونٹ نمبر 12 میں تین منزلہ عمارت میں گیس لیکج کے باعث کمرے میں گیس بھرنے سے 2 بچوں سمیت 4 افراد جاں بحق ہوگئے، پولیس کے مطابق لواحقین نے اہل خانہ کے نہ اٹھنے پر کمرے کا دروازہ توڑا تو کمرے میں دھواں بھرا ہوا تھا، بچوں کے والد اور دونوں بچے جاں بحق ہوچکے تھے جب کہ والدہ کو تشویشناک حالت میں اسپتال منتقل کیا گیا۔

پولیس کے مطابق اسپتال پہنچنے کے بعد بچوں کی والدہ بھی جاں بحق ہوگئیں، گیس لیکج کے باعث دم گھٹنے سے جاں بحق افراد میں محمد وقاص سید اور ان کی اہلیہ شبانہ جب کہ 6 سالہ بیٹی وانیہ اور 2 سالہ بیٹا مہراب شامل ہیں۔

News Code 1896882

لیبلز

آپ کا تبصرہ

You are replying to: .
  • 7 + 1 =