پاکستان کا بھارت کی جارحیت کا منہ توڑ جواب دینے کا اعلان

پاكستان نے بھارتی فوج کے نئے سربراہ كے غیر ذمہ دارانہ بیان كو مسترد كرتے ہوئے کہا ہے کہ بھارت کی جانب سے كسی بھی جارحانہ اقدام پر سخت جواب دیا جائے گا۔

مہر خبررساں ایجنسی نے ایکس پریس کے حوالے سے نقل کیا ہے کہ پاكستان نے بھارتی فوج کے نئے سربراہ كے غیر ذمہ دارانہ بیان كو مسترد كرتے ہوئے کہا ہے کہ بھارت کی جانب سے كسی بھی جارحانہ اقدام پر سخت جواب دیا جائے گا۔ ترجمان دفتر خارجہ كی جانب سے جاری بیان میں كہا گیا ہے كہ پاكستان كے عزم اور تیاری كے بارے میں كوئی شک نہیں ہونا چاہئے، بھارت کی جانب سے كسی بھی جارحانہ اقدام پر سخت جواب دیا جائے گا، بالاكوٹ میں بھارتی كارروائی كے نتیجے میں پاكستان كے رد عمل كو یاد ركھنا چاہئے، بھارت كی اشتعال انگیزیوں كے باوجود پاكستان خطے میں امن اور سلامتی كے لئے اپنا كردار ادا كرتا رہے گا۔

ترجمان دفتر خارجہ کا کہنا ہے کہ پاكستان كشمیریوں كی اخلاقی سیاسی اور سفارتی حمایت جاری ركھے گا، كشمیر میں غیر انسانی لاک ڈاؤن كو 150 دن ہوچكے ہیں، مقبوضہ كشمیر میں صورتحال معمول پر لانے كے دعوؤں كی ساک نہیں ہے، اقوام  متحدہ کی قومی سلامتی كی قراردادوں  كے مطابق معاملہ حل كرے جب کہ پاكستان بین الاقوامی سطح پر بھی آواز بلند كرتا رہے گا۔

ترجمان كا مزید كہنا تھا كہ سینئر كشمیری قیادت خاص طور پر چھوٹے بچوں كو رہا كیا جائے، 9 لاكھ سیكیورٹی اہلكاروں كو فوری طور پر مقبوضہ كشمیر سے نكالا جائے اور بھارت  کوجھوٹے آپریشن كی بجائے اپنے اندرونی مسائل پر توجہ مبذول کرنی چآہیے اور اقلیتوں کے ساتھ ناروا سلوک کو بند کرنا چاہیے۔

News Code 1896686

لیبلز

آپ کا تبصرہ

You are replying to: .
  • 1 + 14 =