امریکہ نے مشرق وسطیٰ میں مزید فوج بھیجنے کا اعلان

امریکہ نے مشرق وسطی میں عدم استحکام پیدا کرنے کے لئے مزید امریکی فوج بھیجنے کا اعلان کیا ہے۔

مہر خبررساں ایجنسی نے رائٹرز کے حوالے سے نقل کیا ہے کہ امریکہ نے مشرق وسطی میں عدم استحکام پیدا کرنے کے لئے مزید امریکی فوج بھیجنے کا اعلان کیا ہے۔ عراقی رضاکار فورس پر امریکی حملے کے بعد عراقی عوام  میں امریکہ کے خلاف نفرت میں اضافہ ہوگیا ہے ۔ عراقی عوام نے بغداد میں امریکی سفارتخانہ کے سامنے مظاہرہ کرتے ہوئے عراق سے امریکی فوج کے فوری انخلاء کا مطالبہ کیا ہے۔ عراق میں گزشتہ روز سفارت خانے پر حملے کے بعد امریکہ نے مشرق وسطیٰ میں فوری طور پر مزید فوج بھیجنے کا اعلان کیا ہے، امریکی وزیر دفاع مارک اسپر کا کہنا ہے کہ آئندہ چند دنوں میں ریپڈ رسپونس یونٹ سے تقریباً 750 کے قریب فوجیوں کو مشرق وسطیٰ میں تعینات کیا جائے گا۔

واضح رہے کہ دو روزقبل امریکی فضائی بمباری میں عراقی رضاکار فورس کے 25 سے زائد اہلکار شہید ہوگئے۔ امریکی بمباری کے خلاف عراقی مظاہرین نے بغداد میں امریکی سفارتخانہ کے سامنے شدید احتجاج کیا، مظاہرین نے امریکی سفارتخانے پر دھاوا بول دیا اور دیوار پر چڑھ کر جھنڈے لہرائے، مشتعل مظاہرین نے امریکہ مخالف شدید نعرے بازی کی اور سیکورٹی کیمرے بھی توڑ دیئے۔

News Code 1896669

لیبلز

آپ کا تبصرہ

You are replying to: .
  • 5 + 11 =