یمنی فورسز کا سعودی عرب کے فوجی ہیڈکوارٹر پر بدر پی 1میزائل سے حملہ

مہر خبررساں ایجنسی نے المسیرہ کے حوالے سے نقل کیا ہے کہ یمن کی مسلح افواج کے ترجمان یحیی سریع نے کہا ہے کہ یمنی فورسز اور قبائل نے سعودی عرب کی جارحیت اور بربریت کے جواب میں سعودی عرب کے فوجی ہیڈکوارٹر پر بدر پی 1بیلسٹک میزائل سے حملہ کیا ہے۔ یحیی سریع نے کہا کہ سرحدی شہر نجران میں سعودی عرب کے فوجی ہیڈ کوارٹر کو بدر پی ایک بیلسٹک میزائل سے نشانہ بنایا ہے۔ یمنی فوج کے ترجمان نے کہا کہ نجران کے علاقہ بئر عسکر میں سعودی فوجی اتحاد کے ہیڈ کوارٹر کو بدر پی 1 بیلسٹک میزائل سے تباہ کردیا ہے۔