پریانکا گاندھی نے شہریت ترمیمی قانون کو بھارتی آئین کی روح کے منافی قراردیدیا

ہندوستان کی اپوزیشن جماعت کانگریس کی جنرل سیکرٹری پریانکا گاندھی نے شہریت ترمیمی قانون کو بھارتی آئین کی روح اور غریب عوام کےخلاف قرار دیتے ہوئے کہا ہے کہ لوگ آئین کے تحفظ کے لئے سڑکوں پر لڑ رہے ہیں لیکن مودی سرکار بے رحمی سے اُنھیں کچل رہی ہے۔

مہر خبررساں ایجنسی نے بھارتی ذرائع کے حوالے سے نقل کیا ہے کہ ہندوستان کی اپوزیشن جماعت کانگریس کی جنرل سیکرٹری پریانکا گاندھی نے شہریت ترمیمی قانون کو بھارتی آئین کی روح اور غریب عوام کےخلاف قرار دیتے  ہوئے کہا ہے کہ لوگ آئین کے تحفظ کے لئے سڑکوں پر لڑ رہے ہیں لیکن مودی سرکار  بے رحمی سے اُنھیں کچل رہی ہے۔  بھارتی ذرائع کے مطابق  پریانکا گاندھی کا کہنا تھا کہ این آرسی اور شہریت ترمیمی قانون انڈیا کے غریب عوام کے خلاف ہے،مودی سرکار کایہ قدم بھارتی آئین کی روح کے منافی ہے،کسی بھی قیمت پر بابا صاحب امبیڈکر کے آئین پر حملہ نہیں ہونے دیاجائے گا،بھارتی آئین پر ہونے والے اِسی حملہ کے خلاف ملک کے عوام سڑکوں پر لڑرہے ہیں۔اُنہوں نے کہا کہ لوگ اپنے حقوق کی لڑائی سڑکوں پر اترکرلڑ رہے ہیں لیکن مودی سرکار احتجاج کرنے والوں کےخلاف بے رحمی سے پیش آرہی ہے اورظلم وجبر اور تشددپر آمادہ ہے،ہندوستانی آئین کوبچانے کی تحریک ہندوستان کے سبھی حصوں میں جاری ہے لیکن حکومت ہر طرف مظاہرین کے خلاف کارروائیوں میں مصروف ہے،مودی سرکاراِن احتجاجی مظاہروں میں شامل ہونے والے طلبا ،دانشوروں ،سماجی کارکنوں ،وکلا اور صحافیوں کو گرفتارکررہی ہے جو انتہائی قابل مذمت عمل ہے۔پریانکا گاندھی کا کہنا تھا کہ مودی سرکارنے جیسے نوٹ بندی میں غریبوں کو لائن میں کھڑا کیاتھا اب این آر سی اور شہریت ترمیمی قانون کے نام پر لوگوں کو اُسی طرح سے لائن میں کھڑاکرنے کی تیاری میں ہے،حکومت اس کے لیے ایک تاریخ طے کریگی اور ہر ایک ہندوستانی کو اپنی شہریت ثابت کرنے کے لیے اس تاریخ سے پہلے کوئی مستند دستاویز پیش کرنا ہوگی،اِس عمل میں سب سے زیادہ غریب اور محروم طبقہ کےلوگوں کو پریشان کیا جائےگا۔ ذرائع کے مطابق پرامن مظآہروں میں پولیس کی فائرنگ اور تشدد میں شہید ہونے والوں کی تعداد 21 تک پہنچ گئی ہے جبکہ سیکڑوں افراد زخمی ہوئے ہیں اور ہزاروں کو گرفتار کیا جاچکا ہے۔

News Code 1896388

لیبلز

آپ کا تبصرہ

You are replying to: .
  • 8 + 8 =