پاکستان کے چیف جسٹس آج ریٹائر ہوجائیں گے

پاکستان کے چیف جسٹس آصف سعید کھوسہ آج اپنے عہدے سے سبکدوش ہو جائیں گے، ان کی ریٹائرمنٹ کے بعد کل 21 دسمبر کو جسٹس گلزار نئے چیف جسٹس پاکستان کے عہدے کا حلف لیں گے۔

مہر خبررساں ایجنسی نے ایکس پریس کے حوالے سے نقل کیا ہے کہ پاکستان کے چیف جسٹس آصف سعید کھوسہ آج اپنے عہدے سے سبکدوش ہو جائیں گے، ان کی ریٹائرمنٹ کے بعد کل 21 دسمبر کو جسٹس گلزار نئے چیف جسٹس پاکستان کے عہدے کا حلف لیں گے۔ جسٹس آصف سعید کھوسہ نے 18 جنوری کو چیف جسٹس پاکستان کا عہدہ سنبھالا تھا، انہوں نے چیف جسٹس بننے کے بعد کوئی ازخود نوٹس نہیں لیا۔جسٹس آصف سعید کھوسہ نے بطور چیف جسٹس آرمی چیف مدت تعیناتی کیس سمیت نواز شریف کی مشروط ضمانت سے متعلق بھی فیصلہ دیا اور پانامہ اسکینڈل سمیت اہم مقدمات کی بھی سماعت کی۔ چیف جسٹس آصف سعید کھوسہ کے اعزاز میں آج فل کورٹ ریفرنس منعقد کیا جائے گا، جبکہ سپریم کورٹ کی روایت کے مطابق چیف جسٹس کے اعزاز میں عشائیہ بھی ہوگا۔

News Code 1896335

لیبلز

آپ کا تبصرہ

You are replying to: .
  • 1 + 10 =