پاکستان میں بھائی نے اپنی بہن کو قتل کرکے خودکشی کر لی

پاکستان میں قصور کے علاقے چونیاں میں منگیتر سے بات کرنے پر بھائی نے اپنی بہن کو قتل کر کے خودکشی کرلی۔

مہر خبررساں ایجنسی نے ایکس پریس کے حوالے سے نقل کیا ہے کہ پاکستان میں قصور کے علاقے چونیاں میں منگیتر سے بات کرنے پر بھائی نے اپنی بہن کو قتل کر کے خودکشی کرلی۔ پولیس کے مطابق کنگن پور کے علاقے کوٹ کلس گاماں میں نوجوان آفتاب نے اپنی جواں سال بہن ساجدہ بی بی کو فائرنگ کر کے قتل کر دیا۔ آفتاب نے بعد میں خود کو گولی مار کر خودکشی کر لی۔ پولیس کے مطابق ساجدہ بی بی کی چند روز قبل منگنی ہوئی تھی لیکن آفتاب کو یہ رشتہ پسند نہیں تھا۔ ساجدہ بی بی اپنے منگیتر سے فون پر بات کرتی تھی جس پر طیش میں آکر آفتاب نے اسے ماردیا۔ پولیس نے لاشیں قبضے میں لے کر تفتیش شروع کر دی ہے۔

News Code 1895934

لیبلز

آپ کا تبصرہ

You are replying to: .
  • 1 + 8 =