بھارت میں خاتون ڈاکٹر کو جنسی زیادتی کے بعد زندہ جلا دیا گيا

بھارت میں 27 سالہ ویٹرنری خاتون ڈاکٹر کو زیادتی کا نشانہ بنانے کے بعد زندہ جلا دیا گیا۔

مہر خبررساں ایجنسی نے بھارتی ذرائع کے حوالے سے نقل کیا ہے کہ  بھارت میں 27 سالہ ویٹرنری خاتون ڈاکٹر کو زیادتی کا نشانہ بنانے کے بعد زندہ جلا دیا گیا۔ اطلاعات کے مطابق بھارتی شہر حیدرآباد کے شمشاد آباد تھانے کی حدود سے صبح 6 بجے دودھ فروخت کرنے والے شخص نے اطلاع دی کہ ایک جلی ہوئی لاش ملی ہے، پولیس نے قریبی تھانے میں اپنی بیٹی کی گمشدگی کی رپورٹ درج کرانے والے والدین کو طلب کیا جنہوں نے دوپٹے اور چپلوں سے اپنی بیٹی کو پہچان لیا۔ والدین نے اپنے بیان میں بتایا کہ کلینک سے واپسی پر بیٹی کی بائیک خراب ہوگئی تھی، اس نے فون پر بتایا کہ ایک شخص نے مدد فراہم کی ہے میں بائیک ٹھیک کروا رہی ہوں، تھوڑی دیر بعد بیٹی کا دوبارہ فون آیا اور اس نے بتایا کہ مدد فراہم کرنے والے شخص سے اسے خوف محسوس ہو رہا ہے اور کچھ گڑبڑ ہے۔

والدین نے پولیس کو مزید بتایا کہ بعد ازاں بیٹی کا فون مسلسل بند جا رہا تھا جس پر ہم نے تھانے میں رپورٹ درج کرائی اور خود بھی بیٹی کو تلاش کرتے رہے لیکن ناکامی ہوئی۔ پولیس نے لاش کو اسپتال منتقل کرکے والدین کے بیان کی روشنی میں تفتیش کا آغاز کردیا ہے۔

News Code 1895794

لیبلز

آپ کا تبصرہ

You are replying to: .
  • 2 + 0 =