جوتوں میں دو کلو گرام سونا چھپا کر اسمگل کرنے والی خاتون گرفتار

روس اور چین کی سرحد پر ایک خاتون کو جوتوں میں دو کلو گرام سونا چھپا کر اسمگل کرنے کی کوشش میں گرفتار کر لیا گیا ہے۔

مہر خبررساں ایجنسی نے غیر ملکی ذرائع کے حوالے سے نقل کیا ہے کہ روس اور چین کی سرحد پر ایک خاتون کو جوتوں میں دو کلو گرام سونا چھپا کر اسمگل کرنے کی کوشش میں گرفتار کر لیا گیا ہے۔

اطلاعات کے مطابق مشرقی سربیا کے ایک قصبے کے قریب سرحدی چوکی پر تعینات کسٹم کی ترجمان " مارینا بیوکو"  نے بتایا کہ روس سے تعلق رکھنے والی ایک خاتون انہیں کچھ پریشان اور مشتبہ نظر آئی، تلاشی کے دوران بھی  اس خاتون نے غیر فطری انداز میں ایک پیر آگے اور ایک کو پیچھے رہنے دیا جس پر کسٹم حکام کو شبہہ ہوا۔

کسٹم حکام نے دھات کی اشیاء کا پتہ لگانے کے لیے استعمال کیے جانے والے آلے " میٹل ڈیٹیکٹر" کی مدد سے خاتون کی تلاشی لی جس پر اُنہیں معلوم ہوا کہ خاتون نے اپنے جوتوں میں سونے کی آٹھ ڈلیاں چھپا رکھی ہیں۔

حکام کا کہنا ہے کہ سونے کی ان آٹھ ڈلیوں کا کل وزن تقریباً دو کلو گرام تھا اور ان کی کل مالیات 78 ہزار چھ سو پچاس ڈالر بنتی ہے۔

کسٹم حکام کے بیان کے مطابق یہ خاتون کسی چینی شہری کے لیے یہ سونا اسمگل کرنے کی کوشش کر رہی تھی۔ تاہم خاتون کو گرفتار کرلیا ہے اور اُن کے خلاف تحقیقات شروع کر دی گئی ہیں۔روسی حکام کے مطابق اس سال متعدد افراد کو گرفتار کیا گیا ہے جو چین سونا اسمگل کرنے کی کوشش کر رہے تھے۔

News Code 1895180

لیبلز

آپ کا تبصرہ

You are replying to: .
  • 2 + 4 =