امریکہ کا سعودی عرب میں مزید 3000 فوجی بھیجنے کا فیصلہ

امریکہ نے سعودی عرب کے لیے مزید 3000 فوجی بھیجنے کا فیصلہ کیا ہے۔

مہر خبررساں ایجنسی نے ایسوسی ایٹڈ پریس کے حوالے سے نقل کیا ہے کہ امریکہ نے سعودی عرب کے لیے مزید 3000 فوجی بھیجنے کا فیصلہ کیا ہے۔ امریکی وزارت دفاع پینٹاگون سے جاری ہونے والے بیان کے مطابق سعودی عرب میں مزید فوجی بھیجنے کا فیصلہ کیا گیا ہے۔ امریکی وزیرِ دفاع مارک ایسپر نے ساتھ ہی میزائل شکن پیٹریاٹ نظام کی دو بیٹریاں، ایک عدد ٹی ایچ اے اے ڈی بیلیسٹک میزائل انٹرسیپشن سسٹم ، دو فلائٹ اسکواڈرن اور ایک ایئر ایکسپیڈیشنری ونگ بھیجنے کا اعلان بھی کیا ہے۔

پینٹاگون کے بیان میں کہا گیا ہے کہ اس ضمن میں امریکی وزیرِ دفاع نے سعودی ولی عہد محمد بن سلمان کو فوج کی باضابطہ تعیناتی کی اطلاع دی ہے اور سعودی دفاع کو مضبوط بنانے کی یقین دہانی کرائی ہے۔ اس طرح ریاست میں مزید 3000 افواج بھیجی جائیں گی۔

پینٹاگون نے مزید کہا کہ خطے میں امنڈتے ہوئے خطرات کے پیشِ نظر یہ اقدامات اٹھائے گئے ہیں تاکہ ایرانی جارحیت سے بھی بچا جاسکے۔ محمد بن سلمان نے خود امریکا سے اس کی درخواست کی تھی۔

امریکی محکمہ دفاع کے مطابق 3000 افواج کی تعیناتی سے خطے میں اس کی افواج کی تعداد 14000 تک پہنچ چکی ہے اور اسے سینٹرل کمانڈ ایریا کا نام دیا گیا ہے۔

News Code 1894510

لیبلز

آپ کا تبصرہ

You are replying to: .
  • 1 + 7 =