لاہور میں دو بھائیوں نے جائیداد کے تنازع پر بہن کو قتل کردیا

پاکستان کے شہر لاہور کے علاقے بھیکے وال میں دو بھائیوں نے جائیداد کے تنازع پر جوان بہن کو قتل کردیا۔

مہر خبررساں ایجنسی نے پاکستانی ذرائع کے حوالے سے نقل کیا ہے کہ پاکستان کے شہر لاہور کے علاقے بھیکے وال میں دو بھائیوں نے جائیداد کے تنازع پر جوان بہن کو قتل کردیا۔ اطلاعات کے مطابق وقاص سلیم اور اعجاز سلیم نے اپنی بہن سمیرا سلیم کو تشدد کا نشانہ بنایا اور زہر دے کر قتل کردیا۔ تھانہ اقبال ٹاؤن میں مقتولہ کے سب سے بڑے بھائی سجاد سلیم کی مدعیت میں چھوٹے بھائیوں کے خلاف قتل کا مقدمہ درج کر لیا گیا ہے۔

ایف آئی آر کے مطابق جائیداد کی فروخت کے بعد بہن بھائیوں میں تقسیم پر جھگڑا رہتا تھا، ملزم وقاص سلیم اپنے ہمراہ مقتولہ سمیرا کو اعجاز سلیم کے گھر لے گیا جہاں اسے زہر دیا گیا۔پولیس اور فرانزک ٹیموں نے جائے وقوعہ سے شواہد جمع کر کے تفتیش شروع کر دی اور لاش کو پوسٹ مارٹم کے لئے مردہ خانے منتقل کر دیا گیا ہے۔

News Code 1893857

لیبلز

آپ کا تبصرہ

You are replying to: .
  • 4 + 8 =